rhema 的反駁 及 tkllll 的回覆

Source:  http://www.armbell.com/forum/viewtopic.php?t=4894&postdays=0&postorder=asc&start=15&mforum=liberalhk

Rhema 的反駁

你所說的大部份情況,其實都跟新約初代教會有點相似,當時的教會都是標準非常高,除了傳褔音外,極少與外邦人作朋友相交,保羅也經常公開斥責做得不好/怠慢的教會和信徒 

個人認為,除非該教會有些地方嚴重違反聖經原則 (eg. 認為因信稱義便可以隨意繼續犯罪) 否則還是不要隨便論斷別人吧,或是為他們代禱更實際

tkllll 的回應

> 你所說的大部份情況,其實都跟新約初代教會有點相似,當時的教會都是標準非常高,除了傳褔音外,極少與外邦人作朋友相交,保羅也經常公開斥責做得不好/怠慢的教會和信徒 

回應：你咁講係咪話UBF呢間教會就好似標準非常高的新約初代教會，而其他教會就係外邦人，所以UBF就唔同其他教會的信徒相交呢？主耶穌都道成肉身，住在罪人中間，成為罪人既朋友啦，點解你們唔肯同外邦人作朋友呢？何況係其他教會裡面既肢體，唔係更應該彼此相交咩？佢地點會係外邦人呢？我係一個唔係好認同UBF既弟兄，我覺得我地既教會都應該開放自己，去參與其他教會，特別係對信仰有深入研究既牧師，可以嘗試聽下佢地既講道，或參加一些神學課程。否則，好容易會俾人話我地係唯我獨尊，而實際上只係一隻井底之蛙吧！ 

> 個人認為,除非該教會有些地方嚴重違反聖經原則 (eg. 認為因信稱義便可以隨意繼續犯罪) 否則還是不要隨便論斷別人吧,或是為他們代禱更實際 

回應：你話保羅都經常公開斥責做得不好/怠慢的教會和信徒，咁係咪則係我地要好似保羅咁，要經常公開斥責做得不好/怠慢的教會和信徒呢？其實，你咁樣唸都幾危險，好易會造成對羔羊既精神虐待，嚴重既可能演變成一種宗教暴力，就好似最近挪威個單新聞：一個基督教狂熱者，都係從咁樣唸開始，就殺左七十幾人，佢都覺得自己係度為神造緊野。 

> 個人認為,除非該教會有些地方嚴重違反聖經原則 (eg. 認為因信稱義便可以隨意繼續犯罪) 否則還是不要隨便論斷別人吧,或是為他們代禱更實際 

回應：其實，我地既教會點解唔可以開放自己，聽下人地既批評，聽下羔羊既心聲，而檢討一下自己既問題呢？其實，除左代禱之外，我覺得我地都應該面對教會既問題，而唔係迴避，其實教會除左傳福音外，亦有責任去教導年青人，乜野係異端或極端，等佢地係遇到呢Ｄ問題時能保護自己。 

總括黎講，我鼓勵UBF既牧者進修一Ｄ神學課程，唔好成日覺得人地惡意論斷自己，唔好淨係聽UBF既教導，因為咁樣主觀性會好強，所謂：旁觀者清，當局者迷。既然神可以通過UBF牧者教導我地，唔通神唔可以通過其他神學教授、牧師或羔羊教導我地咩？