我牧者本來叫我唔好去，話唔好去聽Ｄ撒但既聲音，不過我想知道教會有無問題，同埋牧者有無騙我，所以我偷偷地去左，先知道原來咁多UBF D唔好野，消息封鎖得咁勁，唔掛得知牧者叫我唔好去聽，不過我知好多羊羊好慘，被牧者捉住佢地查經無得去。
雖然我都係UBF既，不過我都要出黎講番Ｄ事實俾好似我一樣既羊羊知，你講既買樓牧者，係唔係Q&A最尾幾分鐘話自己好自由，有得去旅行果位？如果係既既話，佢有得去旅行唔出奇，可能因為佢無乜羔羊服事，因為我成日聽UBF教導要捨己背十字架、進窄門、唔好安逸、要竭力爭扎服事12對查經、要有軍隊精神，所以我估佢咁free，可能因為佢無順從UBF既教導。不過以我所知，成間教會無乜幾多個牧者可以咁free去旅行，最多只係可以參加韓國美國靈修營。以我牧者為例，佢真係好似個talk咁講由朝做到晚，因為佢勁多羔羊，每星期閒閒地服事十對八對，佢咁耐以黎，唔好話無去過旅行，甚至香港既其他地方，我估佢都無乜去過，因為佢成日都要留在港大既Bible House度查經，有時仲夜過個Talk個PowerPoint所講既9點、10點添！
不過，都多謝你話俾我知原來呢間教會係唔俾牧者買樓，同埋有咁多人被論斷，唔掛得知我見Ｄ牧者個個都無買樓，仲成日隱悔既分享被人論斷、唔能夠同團契既弟兄姊妹同心既所感。
我好同意你講既：「群體的領袖是要負上最大的負任，責無旁貸的，作為基督耶穌的使者，是不應該推卸責任，找別人作擋射牌的。」係唔係找別人作擋射牌，我就唔肯定，不過個晚，Ｄ宣教士真係成場唔見影、仲要最尾先黎，攪到Ｄ牧者要出黎講野，我見Ｄ牧者真係好慘，好多問題都唔識答，Q&A又唔係問問題。希望Ｄ高層真係能如你所講，效法基督的品格，唔好再操控人，對Ｄ牧者好Ｄ，唔好再將自己既責任交俾D牧者，令佢地承受咁大壓力，等佢地開心Ｄ，唔好成日怪自己做得唔好啦！
Source: http://www.armbell.com/liberalhk/viewtopic.php?t=4894&start=90&mforum=liberalhk
沒有留言:
發佈留言