鐵甲牧者問阿爸借錢參加美國 2008 Purdue 國際夏令營 (8 Dec 2011)

2008 年港大宣教士命令，所有核心牧者的家庭都要派至少一人出席2008 Purdue國際夏令營，所有入了 team 的未婚弟兄姊妹也要絕對出席，呢個靈修營費用是 $15000。一個沒有正職、卻全時間服事眾多羔羊的鐵甲牧者（senior 牧者），亦無錢參加 2008 年 Purdue 國際夏令營。當時，呢個牧者竟然在查經後當眾表示：自己會問阿爸借錢去美國靈修營，顯出自己 (即使無錢都絕對地) 出席該靈修營是何等大的信心！當時許多同工都因無錢而唔想參加，但聽完鐵甲牧者無錢都絕對出席美國靈修營，所以都唔敢唔去，因此，唯有暗地裏搵 Part-time 或問人借錢參加，免得被視為不信或不絕對順從。 


我們明白在 UBF 的教導裏，是強調要克服及壓抑你的理性分析及批判思想，要求你麻木順從和絕對效忠宣教士/牧者，因此，以理性分析代替麻木順從是會引起你的罪疚感和不安，但請大家仍掙扎以理性思考： 


1. 為何宣教士要一言堂，命令所有核心牧者的家庭都要絕對派至少一人出席呢個靈修營？若因經濟問題而不能出席 (註：教會一個仙都唔會津貼)，是合情合理的，為何又受定罪，被視為不信呢？（唔通真係要拿綜援佢地才放手）。


2. 那位鐵甲牧者咁大個人，阿爸攻佢讀書攻到 Ph.D，成三、四十歲都冇正職，從早到晚拿住港大宣教士的查經資料當係寶，周圍向人覆述查經資料，攪到冇錢參加國際靈修營，仲要伸手問阿爸借錢參加教會活動，若果你係佢阿爸，你會否覺得個女既教會有問題呢？ 


3. 身為高級牧者，表現出咁樣既行為，o岩唔o岩既呢？有錢能參加到靈修營，唔係應該謙卑，歸榮耀與神嗎？為何要高舉自己好有信心呢？ 


其實以上講既都只係冰山一角，有返過UBF的人應該好清楚，UBF一直以來所結的果子，包括: 律法主義、定罪、論斷、獨裁、謊言、操控、曲解聖經、私意解經、改寫生命見證、濫權、封閉、濫財… 通常，UBF牧者行這些惡事，都是身不由己的，但離開UBF後、便能漸漸擺脫這些罪惡了。 
”因 為 ， 沒 有 好 樹 結 壞 果 子 ， 也 沒 有 壞 樹 結 好 果 子 。” (路6:43)